Qarjy mınıstri Ekonomıkalyq tergeý qyzmeti jumysyna qatysty túsinik berdi
«Ekonomıkalyq tergeý qyzmeti Qarjy mınıstrligindegi jalǵyz quqyq qorǵaý qurylymy. Ótken jyldan beri atalǵan qurylym Qarjy monıtorıngi komıtetiniń quramynda. Mundaı sheshim eki qurylym ózara is-qımyl jasap, tıisti úılesimdi jumys bolýy úshin jasaldy», - dedi mınıstr Úkimet úıinde ótken baspasóz máslıhatynda.
Onyń sózine qaraǵanda, qazirgi kezde Ekonomıkalyq tergeý qyzmeti qaıta baǵdarlandy. Osy oraıda mynadaı qylmystar eskerilgen: munaı jáne munaı ónimderiniń, aktsızdeletin ónimderdiń zańsyz aınalymy; kapıtaldyń zańsyz aǵymy; bıýdjet qarajatyn, onyń ishinde kvazımemlekettik sektorda jymqyrý jáne ysyrap etý; salyq tóleýden jaltarý; jalǵan shot-faktýralar.
«Bul baǵyttaǵy jumystar taldaý men keshendi aldyn alý sharalary arqyly júzege asyrylady. Mundaı jedel profılaktıkalyq sharalar prokýratýra men ulttyq qaýipsizdik organdarymen birlese júrgiziledi», - dedi E. Jamaýbaev.