Qarjy mınıstri bıýdjet tapshylyǵyn qalaı azaıtatynyn aıtty

ASTANA. QazAqparat – QR Premer-Mınıstriniń orynbasary – Qarjy mınıstri Erulan Jamaýbaev vedomstvonyń keńeıtilgen alqa májilisinde bıýdjet tapshylyǵyn qalaı azaıtatynyn aıtty, dep habarlaıdy QazAqparat tilshisi.

«Bıyl bıýdjet tapshylyǵynyń JІÓ-ge qatynasy ótken jylmen salystyrǵanda 3,3%-dan 2,7%-ǵa deıin tómendedi. Bul memlekettik qaryzdyń shamadan tys ósýin tejeýge múmkindik beredi. Óıtkeni tapshylyqty qarjylandyrý negizinen ishki naryqta josparlanady», - dedi mınıstr.

Erulan Jamaýbaev ishki ótimdilik jetispegen jaǵdaıda halyqaralyq qarjy uıymdarynan qaryz tartý jáne syrtqy naryqtarǵa oblıgatsııalar shyǵarý sııaqty quraldar qoldaný tájirıbesi bar ekenin eske saldy.

«Memlekettik baǵaly qaǵazdardy halyqaralyq ındeksterge engizý, sondaı-aq Qazaqstannyń qor naryǵyna Euroclear klırıng palatasyn tartý jumysy jalǵasady. Bul bıýdjet tapshylyǵyn qarjylandyrýǵa qosymsha ótimdilik beredi», - dedi Erulan Jamaýbaev.

Onyń aıtýyna qaraǵanda, memlekettik qaryzdy basqarý barlyq belgilengen kelisimderdi saqtaı otyryp iske asyrylady.