Qarjy mınıstri bıýdjet qarajatyn tolyq ıgermegen mınıstrlikterdi atady
«Memlekettik bıýdjettiń shyǵystary 97,8%-ke, respýblıkalyq bıýdjettiń shyǵystary – 98,9%-ke, jergilikti bıýdjetterdiń shyǵystary – 97,2%-ke atqaryldy. Respýblıkalyq bıýdjettiń shyǵystary 12 trln 503 mlrd teńgeni qurady jáne 137 mlrd. teńge atqarylmaǵan. Onyń ishinde 15 mlrd teńge únemdelgen, al 122 mlrd teńge ıgerilmegen», - dedi E. Jamaýbaev Úkimet otyrysynda.
Ásirese Qarjy mınıstrligi, Іshki ister mınıstrligi, Ortalyq saılaý komıssııasy, Densaýlyq saqtaý mınıstrligi, Aýyl sharýashylyǵy mınıstrligi jáne Tótenshe jaǵdaılar mınıstrligi aıtarlyqtaı iri somalardy ıgermegen.
«Igerilmeýdiń negizgi sebepteri: konkýrstyq rásimderdi, sharttardy jasasý rásimderiniń uzaqqa sozylýy, tólem qujattaryn uzaq maquldaý, atqarylǵan jumystardyń aktilerin usynbaý, naqty kórsetilgen qyzmet, atqarylǵan jumystarǵa aqy tóleý jáne sot talqylaýlary. Qarjy jylynyń sońyna deıin respýblıkalyq bıýdjet boıynsha 1 trln teńgeden astam somaǵa tólemder júrgizilýi tıis. Aldyn ala derekter boıynsha jyl qorytyndysynda respýblıkalyq bıýdjet shyǵystarynyń atqarylýy 99,8% sheginde kútilýde. Sonymen birge, jekelegen bıýdjettik baǵdarlamalar boıynsha ıgerilmeý táýekeli bar», - dedi Qarjy mınıstri.
