Qarjy mınıstri: Byltyr 245 mlrd teńge qarjy talaptary buzylǵan

NUR-SULTAN. QazAqpart – Ótken jyly Іshki memlekettik aýdıt komıteti 245 mlrd teńgege qarjy talaptardyń buzylýyn anyqtady. Bul týraly Premer-Mınıstrdiń birinshi orynbasary-Qarjy mınıstri Álıhan Smaıylov málim etti, dep habarlaıdy QazAqparat tilshisi.

«Byltyr Іshki memlekettik aýdıt komıteti 245 mlrd teńge somasynda qarjylyq buzýshylyq jaǵdaıyn anyqtap, bul kórsetkish qarjylyq buzýshylyqtar jalpy somasynyń 39 paıyzyn qurady», - dedi Smaıylov Parlament Májilisindegi Úkimet saǵatynda.

Onyń sózine qaraǵanda, júrgizilgen taldaý nátıjesi boıynsha qarjylyq buzýshylyqtardyń negizgi kólemi býhgalterlik eseptilikti júrgizý tártibine, josparlaý men basqa da shyǵystardy paıdalaný kezinde bıýdjettik qarjyny asyra kórsetýge, kvazımemlekettik sektor sýbektileri aktıvterin basqarýǵa baılanysty bolyp otyr.

«Atalǵan máselelerdiń júıeli sheshimin memlekettik satyp alýlarda júrgizilgen jumysqa uqsas barlyq negizgi protsesterdi avtomattandyrý arqyly iske asyrýdan kórip otyrmyz», - dedi Úkimet basshysynyń birinshi orynbasary.

Sonymen qatar, ol búginde tekserýlerge qatysty qadamdar ózgergenin atap ótti.

«2015 jyldan bastap memlekettik aýdıtorlar anyqtaǵan qarjylyq buzýshylyqtar kólemi 4 esege tómendedi, ıaǵnı 1,9 trln teńgeden 478 mlrd teńgege deıin», - dedi Álıhan Smaıylov.