Qarjylyq saýattylyq boıynsha respýblıkalyq olımpıada bastalady
ASTANA. KAZINFORM — 3 qarashada elimizdiń barlyq óńirinde 9-11 -synyp oqýshylary arasynda qarjylyq saýattylyq boıynsha respýblıkalyq olımpıadanyń birinshi, mektepishilik kezeńi ótedi.
Saıys Smart Daryn platformasynda uıymdastyrylady.
Tórt kezeńnen turatyn olımpıada oqýshylardyń qarjylyq saýattylyǵyn arttyrýǵa, qarjylyq qaýipsizdik daǵdylaryn qalyptastyrýǵa jáne qarajatty jaýapkershilikpen basqarý mádenıetin damytýǵa baǵyttalǵan.
Qatysýshylar qarjylyq qaýipsizdik, tsıfrlyq etıka, jeke jáne otbasylyq bıýdjetti josparlaý, ınvestıtsııa negizderi men jaýapty tutyný baǵyttary boıynsha test tapsyrmalaryn oryndaıdy.
Mektepishilik kezeńniń qorytyndysy boıynsha ár aýdannan eń joǵary ball jınaǵan 30 oqýshy ekinshi kezeńge joldama alady. Aýdandyq kezeń 14 jeltoqsanda Smart Daryn platformasynda onlaın formatta ótedi.
Aıta ketelik 2026–2027 oqý jylynda mektepterde jańa kýrs júrgiziletini týraly jazǵan edik.
