Qarjylyq monıtorıng agenttiginiń úzdik tergeýshileri anyqtaldy
ASTANA. KAZINFORM — Almaty qalasynda Tergeýshi kúnine oraı «Tergeýshi kýbogy» atty zııatkerlik vıktorına ótti. Baıqaýdyń irikteý kezeńderine barlyq óńirlik departamentterdiń tergeý bólimderinen 250-den astam qyzmetker qatysty. Bul týraly Qarjylyq monıtorıng agenttigi málim etti.
Іrikteý qorytyndysy boıynsha kásibı bilimi, tájirıbesi men daıyndyǵy joǵary 20 úzdik tergeýshi anyqtaldy.
— Baıqaý eki kezeńnen turdy. Birinshi kezeńde qatysýshylar zııatkerlik vıktorına tapsyrmalaryn oryndady. Ekinshi kezeńde fınalıster tergeý áreketterin júrgizý arqyly tájirıbelik daǵdylaryn kórsetti, — delingen habarlamada.
Baıqaý qorytyndysy boıynsha júldeli oryndar kelesi tergeýshilerge buıyrdy:
1 oryn — Alnur Isabekov, Shymkent qalasy boıynsha ETD;
2 oryn — Alı Mýmtaz, Almaty oblysy boıynsha ETD;
3 oryndy: Aıana Mýldasheva, Batys Qazaqstan oblysy boıynsha ETD; Anýar Týrabekov, Astana qalasy boıynsha ETD; Aıgerım Izımova, Ulytaý oblysy boıynsha ETD bólisti.
Aıta ketý kerek, bul baıqaý jyl saıyn ótkiziletin bolady. Osyndaı is-sharalar qyzmetkerlerdiń kásibı deńgeıin arttyrýǵa, analıtıkalyq oılaý qabiletin damytýǵa jáne óńirlik bólimsheler arasyndaǵy ózara is-qımyldy nyǵaıtýǵa yqpal etedi.
Eske sala keteıik, buǵan deıin QMA tanymal blogerge memleketaralyq izdeý jarııalaǵan bolatyn.
