Qarjylyq monıtorıng agenttiginiń tóraǵasy - Dmıtrıı Malahov

ASTANA. KAZINFORM – Dmıtrıı Malahov Qarjylyq monıtorıng agenttiginiń tóraǵasy boldy.

«Memleket basshysynyń Jarlyǵymen Dmıtrıı Mıhaılovıch Malahov Qazaqstan Respýblıkasy Qarjylyq monıtorıng agenttiginiń tóraǵasy bolyp taǵaıyndaldy, ol burynǵy atqarǵan laýazymynan bosatyldy», — dep jazdy Aqordanyń resmı saıty.

Aıta keteıik, Dmıtrıı Mıhaılovıch 1974 jyly 27 tamyzda Aqmola oblysy Kókshetaý qalasynda dúnıege kelgen. Bilimi joǵary. 1991-1995 jj. — QR ІІM-niń Almaty joǵary mektebin, 2003-2005 jj. T.Ryskulov atyndaǵy ekonomıka jáne qarjy ýnıversıtetin bitirgen.

Eńbek joly: 

Іshki ister mınıstrligi, Qarjy polıtsııasy jáne Sybaılas jemqorlyqqa qarsy is-qımyl ulttyq bıýrosynyń óńirlik jáne ortalyq apparatynyń departamentterinde basshy orynbasary boldy (07.2004-03.2019);

Qazaqstan Respýblıkasy Qarjy mınıstrligi Qarjylyq monıtorıng komıtetiniń Jedel departamentiniń basshysy (03.2019-09.2020);

Qazaqstan Respýblıkasy Sybaılas jemqorlyqqa qarsy is-qımyl agenttigi tóraǵasynyń orynbasary (09.2020-03.2022);

Qazaqstan Respýblıkasy Sybaılas jemqorlyqqa qarsy is-qımyl agenttigi tóraǵasynyń birinshi orynbasary (03.2022-10.2023)

Qazaqstan Respýblıkasy Qarjylyq monıtorıng agenttigi tóraǵasynyń orynbasary (11.10.2023-ten qazirgi ýaqytqa deıin).