Qarjylyq monıtorıng agenttigi jańa alaıaqtyq shemalar týraly eskertti
ASTANA. KAZINFORM — Agenttiktiń resmı ókiliniń beınesin paıdalanǵan dıpfeık vıdeolarynda «jábirlenýshi ınvestordyń» jalǵan oqıǵasy baıandalady, dep habarlaıdy QMA baspasóz qyzmeti.
Stsenarıı boıynsha, qarajatty salǵannan keıin, kiristiń joǵarylap jatqany kórsetiledi, biraq aqshany alý úshin komıssııalar, salyqtar jáne «tekserister» tóleý talap etiledi. Birneshe aýdarymnan keıin de qarajatqa qol jetkizý buǵattalady. Odan bólek, buǵattalǵan aqshany bank jáne retteýshi organdar arqyly múmkindigi aıtylady da, qoldanýshyǵa kómekke júginý usynylady. «Tolyǵyraq» batyrmasy «halyq zańgeri» dep atalatyn chatqa aparady, onda qarajatty qaıtarý týraly jalǵan hat almasý kórsetiledi.
Sonymen qatar, alaıaqtar Agenttik atynan jalǵan saıttar jasap, onda «jábirlenýshilerdiń aqshasyn qaıtarý» týraly aqparat jarııalaǵan.
Siltemege ótý kezinde paıdalanýshylardan saýalnama toltyrý suralady (mysaly, «aqshańyzdy qansha ýaqyt buryn joǵalttyńyz?» degen suraqqa jaýap berý). Keıin jeke málimetter — aty-jóni, telefon nómiri, elektrondyq poshta engizilip, «qaıtarý protsesin bastaý» batyrmasyn basý usynylady.
— Barlyq osyndaı saıttar, saýalnamalar jáne formalar alaıaqtyq shemasy ekenin eskertemiz, olar azamattardyń jeke málimetterin jınap, qarajatty ıemdenýge baǵyttalǵan. Aqparattyń shynaıylylyǵyn tekserý úshin Qarjylyq monıtorıng agenttigine nemese ózińizdiń turǵylyqty jerińizdegi Ekonomıkalyq tergep-tekserý departamentine habarlasyńyz. Azamattardy saq bolýǵa, aqparatty resmı derekkózderden tekserýge jáne alaıaqtardyń saq bolýǵa shaqyramyz, — dep eskertti Ernar Taıjan.
Budan buryn er adam áskerde zorlyq kórgenin aıtyp, jelide qarjylaı kómek suraǵanyn jazǵanbyz.
