Qarjylyq monıtorıng agenttigi memleketke 400 mln teńge shyǵyn keltirgen adamdy izdestirip jatyr
ASTANA. KAZINFORM – Qarjylyq monıtorıng agentiginiń Almaty qalasy boıynsha departamenti QR azamaty Boıko Mıhaıl Adamovıchty (1963 jylǵy 25 maýsym týǵan) izdestirip jatyr.
Agenttiktiń habarlaýynsha, oǵan QR Qylmystyq kodeksiniń 245-baby 3-bóligi (salyq tóleýden jaltarý) jáne 218-baby 3-bóligi (qylmystyq jolmen alynǵan aqsha men múlikti zańdastyrý) boıynsha qylmys jasady degen kúdik keltirilip otyr.
«Boıko M.A. balyq ónimderin eksporttaıtyn kásiporyndardan korporatıvtik tabys salyǵyn tólemeı, memleketke 400 mıllıonnan astam teńge zalal keltirgen»,-delingen habarlamada.
«Eger siz izdestirilip jatqan azamattyń qaıda ekeni týraly qandaı da bir aqparatqa ıe bolsańyz, bizge habarlaýyńyzdy suraımyz.
+7-701-218-05-23,
+7-701-121-47-65 - azamattardy izdestirý boıynsha,
+7-7272 - 79-29-56 - kezekshi bólim.
Syıaqy men anonımdilikke kepildik beremiz»,-delingen habarlamada.
