Qarjy tapshylyǵynan bolǵan kemshilikterge mektep dırektorlary jaýap bermeıdi - depýtat

ASTANA. KAZINFORM — Búgin Quryltaıdaǵy Úkimet saǵatynda depýtat Ashat Aımaǵambetov mektep dırektorlaryna tıesili emes jaýapkershilikten bosatý tetikterin túsindirdi.

Ashat Aımagambetov
Foto: Soltan Jeksenbekov/ Kazinform

- Komıtettiń (Quryltaıdyń Áleýmettik-mádenı damý komıteti) bastamasymen mektep tamaǵyn baqylaý boıynsha zańda jańa tásil bekitilgen, ıaǵnı endi teskerý kenetten júrgiziledi. Biraq alǵashqy joly aıyppul salynbaıdy, onyń ornyna ádistemelik kómek kórsetiledi, - dedi A.Aımaǵambetov

Onyń aıtýynsha, bul kemshilik qarjy bólinbegendikten týyndasa, onda dırektor emes, qarjy bólmegen organ jaýap beredi.

- Endi, dál osy tetikti órt qaýipsizdigine jáne balalar qaýipsizdiginiń basqa da salalaryna taratý boıynsha biz arnaıy zań jobasyn, túzetýlerdi daıyndadyq, - dedi depýtat.

Buǵan deıin habarlanǵandaı, 2027 jyldan balabaqshalardy mindetti lıtsenzııalaý engiziledi.