Esirtki bıznesimen kúresti kúsheıtý qajet — Prezıdent
ASTANA. KAZINFORM – Bul týraly Memleket basshysy Qasym-Jomart Toqaev Qarjylyq monıtorıng agenttiginde ótken jıynda aıtty.
Qasym-Jomart Toqaev zańdy tulǵalardyń kúmándi tabystardy zańdastyrýyna qatysty jazany kúsheıtýdi tapsyrdy.
— Esirtki bıznesimen kúresti kúsheıtý qajet. Ókinishke qaraı, qazir esirtki saýdasynan túsken tabysty tekserý jumysynyń tıimdiligi tómen. Qylmyskerlerdiń zańsyz jolmen tapqan jeke múlkimen qatar, basqa adamdardyń atyna rásimdegen múlki de memleketke qaıtarylýǵa tıis. Qysqasy, qylmystyq jolmen ıemdengen múliktiń bárin tárkileý máselesin muqııat pysyqtaǵan jón. Zańdy tulǵalardyń kúmándi tabystardy zańdastyrýyna qatysty jazany kúsheıtý kerek. Bul qadam halyqaralyq standarttarǵa tolyq saı keledi, — dedi Memleket basshysy.
Aıta ketelik Prezıdent Qarjylyq monıtorıng agenttiginde jıyn ótkizdi.