Qarjy pıramıdasyna qatysy bar kúdikti Grýzııadan elge jetkizildi
ASTANA. KAZINFORM – Qarjy pıramıdasyn uıymdastyrdy degen kúdikpen halyqaralyq izdeýde júrgen Qazaqstan azamaty Grýzııadan ekstradıtsııalandy.
Kúdiktini elge jetkizý Bas prokýratýra men ІІM Interpoldyń Ulttyq ortalyq bıýrosy qyzmetkerleriniń qatysýymen, Qazaqstannyń Grýzııadaǵy Elshiliginiń qoldaýymen júzege asyryldy.
Tergeý derekterine sáıkes, ol uıymdasqan qylmystyq top quramynda 2019-2021 jyldar aralyǵynda Qazaqstannyń ártúrli óńirlerinde qarjy pıramıdasynyń qurylymdaryn basqarǵan.
– Qylmystyq top músheleri azamattarǵa joǵary tabys tabýǵa ýáde berip, 10 mlrd teńgeden astam qarajat tartqan, – dep málimdedi Bas prokýratýradan.
Atalǵan is boıynsha sybaılas tulǵalardyń birqatary buǵan deıin bas bostandyǵynan aıyrý jazasyna sottalǵan. Al negizgi kúdikti qylmys jasaǵannan keıin boı tasalap, halyqaralyq izdeýge jarııalanǵan.
2026 jylǵy aqpan aıynda ol Grýzııa aýmaǵynda ustalyp, Qazaqstan Bas prokýratýrasynyń suraýy boıynsha ekstradıtsııalanǵan.
Qazirgi ýaqytta kúdikti tergeý ızolıatoryna qamaldy.
Oǵan taǵylǵan aıyptar boıynsha múlki tárkilenip, 12 jylǵa deıin bas bostandyǵynan aıyrý jazasy kózdelgen.
Aıta keteıik, buǵan deıin 380 adam Sirius Energy qarjy pıramıdasynyń qurbany bolǵany habarlandy.
