Qarjy pıramıdasyna baılanysty sottalǵan bloger Meıirhan Shernııazov bostandyqqa shyqty
ALMATY. KAZINFORM — Qarjy pıramıdasyn qurý jáne basqarý aıyby boıynsha sottalǵan Meıirhan Shernııazov bostandyqqa shyqty.
Meıirhan Shernııazov bul jańalyqpen áleýmettik jelide bólisti.
QR Іshki ister mınıstrliginiń Qylmystyq-atqarý júıesi komıteti bloger jazasyn tolyq óteýine baılanysty bosatylǵanyn málimdedi. Al Meıirjan Tórebaev áli de qylmystyq-atqarý júıesiniń mekemesinde sot taǵaıyndaǵan jazasyn ótep jatyr.
Eske salaıyq, 2022 jyly qarjy pıramıdasyn qurdy dep aıyptalǵan tanymal vaınerlerdiń isi sotqa joldandy.
2023 jyly Meıirjan Tórebaev pen Meıirhan Shernııazov 5 jylǵa sottaldy. Olar QR qylmystyq kodeksiniń 217-baby (qarjy pıramıdasyn qurý jáne basqarý) boıynsha kináli dep tanyldy.
Byltyr vaınerler Meıirjan Tórebaev pen Meıirhan Shernııazov sotqa appelıatsııalyq shaǵym túsirdi.
Alaıda apellıatsııalyq sot vaınerlerge qatysty úkimdi ózgerissiz qaldyrdy.
Keıin sottalǵan vaınerler Meıirjan Tórebaev pen Meıirhan Shernııazov Almatyǵa aýystyryldy.