Qarjy pıramıdasyn quryp, 337 mln teńge tapqan astanalyqtyń isi qaıta qaralady
ASTANA. KAZINFORM — Astana turǵyny 2023-2025 jyldar aralyǵynda qarjy pıramıdasyn uıymdastyryp, odan 337 mln teńge kóleminde tabys tapqan.
Tergeý málimetinshe, onyń zańsyz qurǵan shemasyna 6,2 myńnan astam adam tartylǵan.
Sotta qarjy pıramıdasyn uıymdastyrýshy kináli dep tanylyp, múlkin tárkileýsiz bes jylǵa shartty túrde bas bostandyǵynan aıyrý jazasyna sottalǵan.
Alaıda Bas prokýratýra sot taǵaıyndaǵan jazany tym jeńil dep baǵalap, sot aktilerine narazylyq bildirdi.
— Kassatsııalyq sot prokýrordyń narazylyǵy boıynsha sot aktileriniń kúshin joıyp, isti jańa sot talqylaýyna jiberdi, — dep habarlady QR Bas prokýratýrasy.
Osylaısha, qarjy pıramıdasyn uıymdastyrǵan elordalyqtyń isi qaıta qaralady.
Eske salaıyq, buǵan deıin qarjy pıramıdasyn qurǵan Oral qalasynyń eki turǵyny 5 jylǵa sottalǵanyn habarlaǵanbyz.
