Qarjy pıramıdasyn qurǵany úshin izdeýde bolǵan qazaqstandyq Bishkekte ustaldy

Adamdy taný qabileti bar beınebaqylaý kameralarynyń kómegimen Qazaqstanda izdeý jarııalanǵan azamat Qyrǵyz astanasynan tabyldy. Kazinform bul týraly Kabar agenttigine silteme jasap habarlaıdy. 

QR ІІM baspasóz qyzmetiniń deregi boıynsha, beınebaqylaý júıesi ony qarjy pıramıdasyn qurǵany jáne basshylyq jasaǵany úshin izdeý salynǵan adam retinde tirkedi. 

2023 jyly jeltoqsan aıynyń sońynda Bishkek qalasynyń baqylaý kameralary Almaty qalasy Medeý aýdandyq polıtsııa basqarmasy QR QK 217-baby «Qarjylyq pıramıdany qurý jáne oǵan basshylyq etý» boıynsha izdeý jarııalaǵan O.A. esimdi Qazaqstan azamatyn anyqtady. Bishkekte ustalǵan Almaty qalasynyń týmasy qamaýǵa alyndy. 

Aıta keteıik, 2021 jyly sáýir aıynda Qazaqstanda salymshylar úsh kompanııanyń qyzmetine qatysty ujymdyq aryz jazyp, olardy qarjy pıramıdasy dep atady. Bul kompanııalar ózin ınvestıtsııa salasyndaǵy tabysty uıymdar dep tanystyrǵan. Ol paıdaly ınvestıtsııalardy usynatyn osy «joba» kóshbasshylaryn ustaı bastaǵan kezde, jasyrynyp úlgergen. 

Kompanııalar salymshylardyń birneshe mıllıard teńgesin zańsyz alǵan. Qarjy aǵynyn arttyrý maqsatynda qarjy pıramıdalary qyzmetine tanymal blogerlerdi de tartqan. Sot qarjy pıramıdasyna qatysy bar eki vaınerdi 5 jyl bas bostandyǵynan aıyrǵan bolatyn.