Qarjy pıramıdasyn basqarǵany úshin izdeýde júrgen adam Grýzııadan ekstradıtsııalandy
ASTANA. KAZINFORM - Bas prokýratýra men Qarjy monıtorıngi agenttiginiń qyzmetkerleri Qazaqstannyń Grýzııadaǵy Elshiliginiń kómegimen ekonomıkalyq qyzmet salasynda aýyr qylmys jasaǵany Qazaqstan azamatyn Grýzııadan ekstradıtsııalady.
QR Bas prokýratýrasy baspasóz qyzmetiniń habarlaýynsha, kúdikti Astanada «World Busines Consulting» qarjy pıramıdasynyń qurylymyn basqardy, onyń bólimsheler jelisi 2018-2022 jyldary Qazaqstannyń túrli óńirlerinde azamattarmen joǵary paıda alýdy syltaýymen 6,5 mlrd teńgeden astam qarjyny zańsyz tartqan.
Atalǵan qylmystyq uıymnyń birqatar qatysýshysy naqty bas bostandyǵynan aıyryldy. Qylmys jasaǵannan keıin kúdikti jasyrynyp, oǵan halyqaralyq izdeý jarııalanǵan.
2025 jyldyń qarashasynda ol Grýzııada ustalyp, Qazaqstan Respýblıkasy Bas prokýratýrasynyń suraýy boıynsha elge ekstradıtsııalandy.
- Qazir kúdikti ýaqytsha ustaý ızolıatoryna qamaldy. Kórsetilgen qylmysty jasaǵany úshin múlki tárkilenip, 12 jylǵa deıingi merzimge bas bostandyǵynan aıyrý jazasy qarastyrylǵan, - delingen habarlamada.
Osyǵan deıin Grýzııadan aýyr qylmystarǵa qatysy bar Reseı azamaty ekstradıtsııalanǵany týraly jazdyq.