Qarjy pıramıdasy úsh oblystyń turǵyndarynan 490 mln teńge tartqan

Qarjylyq monıtorıng agenttigi BQO boıynsha departamenti Batys Qazaqstan, Aqtóbe jáne Atyraý oblystary boıynsha Chia Tai Tianging Pharmaceutical qarjy pıramıdasynyń qurylymdyq bólimshesin uıymdastyrdy degen kúdiktige qatysty isti aıaqtap, sotqa jiberdi, dep habarlaıdy Kazinform.

Olar ózderin ınvestıtsııalyq kompanııa retinde kórsetip, joǵary jáne turaqty kiristi ýáde etken. Bul rette,Chia Tai Tianging Pharmaceutical jeke tulǵalardyń aqshasyn tartyp, kásipkerlik qyzmetke paıdalanbaı, olardy qatysýshylar arasynda qaıta bólgen.

"Jalpy tartylǵan salymshylardyń sany 425 adam, 523 mln teńge somasyna, onyń ishinde 490 mln teńgege jýyq somaǵa 411 azamat jábirlenýshi dep tanyldy.

Azamattardy qyraǵy bolýǵa jáne óz jınaqtaryn kúmándi qarjy uıymdaryna salmaýǵa shaqyramyz", - deıdi QMA resmı ókili Álibek Ábdilov.