Qarjy pıramıdasy: Salymshylardyń 3 mlrd qarajatyn zańsyz ıemdengen kúdikti Grýzııadan ekstradıtsııalandy
ASTANA. KAZINFORM – Qazaqstan Respýblıkasynyń Bas prokýratýrasy jáne Іshki ister mınıstrliginiń qyzmetkerleri Syrtqy ister mınıstrliginiń kómegimen qarjy pıramıdasyn qurǵany jáne basqarǵany úshin qylmystyq jaýaptylyqqa tartý maqsatynda kúdiktini Grýzııadan ekstradıtsııalady. Bul týraly Bas prokýratýranyń baspasóz qyzmeti málimdedi.
«Onyń qurǵan qylmystyq toby 2020 jyly Mańǵystaý oblysynda „Plus Capital“ qarjy pıramıdasyn uıymdastyryp, 600-den astam salymshynyń jalpy somasy 3 mlrd. teńgeden astam aqshalaı qarajatyn, jyljymaly jáne jyljymaıtyn múlikterin zańsyz ıemdengen», –delingen habarlamada.
Qylmystyq top músheleriniń bir bóligi túrli jaza túrlerine sottaldy, al kúdikti qylmys jasaǵannan keıin jasyrynǵan, soǵan baılanysty halyqaralyq izdestirýge jarııalandy. 2023 jylǵy qarashada ol Grýzııa aýmaǵynda ustaldy.
«Qazirgi ýaqytta kúdikti Aqtaý qalasyndaǵy ýaqytsha ustaý ızolıatoryna qamaldy. Osy qylmysty jasaǵany úshin múlki tárkilenip, belgili bir laýazymdardy atqarý quqyǵynan ómir boıyna aıyra otyryp, 7jyldan 12 jylǵa deıingi merzimge bas bostandyǵynan aıyrý túrindegi jaza qarastyrylǵan», — dep habarlady prokýratýra.
