Qarjy ombýdsmandaryn saılaý tártibi qaıta qaralady
ASTANA. KAZINFORM — Qaýly jobasy «Ashyq NQA» portalynda jarııalandy.
Qarjy naryǵyn retteý jáne damytý agenttigi Agenttik Basqarmasynyń «Qarjy ombýdsmandarynyń jáne qarjy ombýdsmany qyzmetiniń jumysyn júzege asyrý, onyń ishinde qarjylyq kórsetiletin qyzmetterdi tutynýshylardyń kelip túsken jáne qaralǵan joldanymdary týraly qarjy naryǵy men qarjy uıymdaryn retteý, baqylaý jáne qadaǵalaý jónindegi ýákiletti organǵa aqparat berý, sondaı-aq qarjy ombýdsmanyn saılaý jáne onyń qyzmetin merziminen buryn toqtatý qaǵıdalaryn bekitý týraly» qaýlysynyń jobasyn ázirledi.
Qaýly jobasy Qazaqstan Respýblıkasynyń «Qarjy naryǵyn jáne qarjy uıymdaryn memlekettik retteý, baqylaý jáne qadaǵalaý týraly» Zańyy iske asyrý maqsatynda pysyqtaldy.
— Jobada bas qarjy ombýdsmanyn jáne qarjy ombýdsmandaryn saılaý, qaıta saılaý jáne olardyń ókilettikterin merziminen buryn toqtatý tártibi, onyń ishinde kandıdattarǵa qoıylatyn talaptar, konkýrstyq irikteý rásimderi jáne kandıdatýralardy ýákiletti organmen kelisý tártibi aıqyndalady. Sondaı-aq joba qarjy ombýdsmany qyzmetiniń jumysyn uıymdastyrý máselelerin, bas qarjy ombýdsmanynyń ókilettikterin, ishki baqylaýdy júzege asyrý jáne derbes derekterdi qorǵaýdy qamtamasyz etý tártibin retteıdi, — delingen habarlamada.
Budan basqa, jobada qarjylyq qyzmetterdi tutynýshylardyń ótinishterin qaraý tártibi, onyń ishinde olardy berý tásilderi, tirkeý jáne qaraý merzimderi, qarjy ombýdsmanynyń qajetti qujattar men túsiniktemelerdi suratý quqyǵy, sondaı-aq daýdy qaraý nátıjeleri boıynsha qabyldanatyn sheshimderdiń túrleri belgilenedi.
Qaýly jobasynyń mátinimen «Ashyq NQA» ınternet-portalynda jáne agenttiktiń saıtynda tanysýǵa bolady.
Buǵan deıin Qarjy naryǵyn damytý agenttigi saqtandyrý sharttaryn jasaǵanda saq bolýǵa shaqyrdy.
