Qarjy naryǵyn retteý jáne damytý agenttiginiń quzyreti keńeıtildi
ASTANA. KAZINFORM – 2025 jylǵy 10 maýsymdaǵy Prezıdent Jarlyǵymen Qarjy naryǵyn retteý jáne damytý agenttiginiń qyzmeti týraly erejege ózgerister engizildi.
Engizilgen tolyqtyrýlarǵa sáıkes agenttikke úsh jańa fýnktsııa berildi:
- Ulttyq bankpen birlesip biryńǵaı qazynashylyq shottaǵy ýaqytsha bos bıýdjettik aqshany ornalastyrý tártibin kelisý;
- Ulttyq bankpen birlesip kvazımemlekettik sektor sýbektileriniń ýaqytsha bos bıýdjettik qarajatyn ulttyq poshta operatorynyń nemese ekinshi deńgeıdegi bankterdiń depozıtinde jáne ózge de qarjy quraldarynda ornalastyrý merzimi men kólemin memlekettik qazynashylyqpen kelisý tártibin kelisý;
- Bıýdjet saıasaty jónindegi ortalyq ýákiletti organmen, bıýdjet josparlaý jónindegi ortalyq ýákiletti organmen, bıýdjetti atqarý jónindegi ortalyq ýákiletti organmen jáne Ulttyq bankpen birlesip bıýdjet táýekeli týraly taldamalyq esepti qalyptastyrý jáne ony qalyptastyrý tártibin aıqyndaý.
Jarlyq 2025 jylǵy 22 tamyzda qoldanysqa engiziledi.
Jyl basynda Qarjy naryǵyn retteý jáne damytý agenttigi qarjy uıymdaryna talapty kúsheıtetini týraly habarlaǵan edik.