37 blogerdiń ústinen is qozǵaldy — Qarjylyq monıtorıng agenttigi

ASTANA. KAZINFORM — QR Qarjylyq monıtorıng agenttigi tóraǵasynyń orynbasary Jeńis Elemesov zań buzǵan, utys oınatqan, onlaın oıyndardy jarnamalaǵan blogerler týraly tilshiler suraǵyna jaýap berdi. 

— Qazir 37 blogerge qatysty materıaldardy ókiletti organdarǵa jiberdik. Olar ákimshilik jaýapqa tartý jumystaryn júrgizip jatyr. ıAǵnı birinshi ret zań buzsa — 300 AEK (1 107 600 teńge), ekinshi ret qaıtalasa — 750 AEK (2 mln 769 myń teńge). E. Janabylovtar boıynsha sot sheshimin kútip otyrmyz, onda qylmystyq jaýapkershilik bolady, — dedi J. Elemesov Májiliste ótken brıfıngide. 

Buǵan deıin agenttik ókili E. Janabylovqa qatysty sot sheshimi 15 qyrkúıekte shyǵarylǵanyn, sheshim berilgen kúnnen bastap 10 táýlik ishinde zańdy kúshine enetinin aıtqan edi.

— Qazirgi ýaqytta bizdiń vedomstvoǵa materıaldar túsken joq. Alaıda olar túskennen keıin olarmen tanysyp shyǵý qajet. Eger onda qylmystyq jaýapkershilikke jatatyn is-áreket belgileri bolsa, tıisti is tirkelip, tergeý júrgiziledi. Tergeý barysynda quqyqtyq baǵa berip, saralaımyz, — dedi J. Elemesov.

Eske sala keteıik, buǵan deıin onlaın kazınony jarnamalaǵan blogerler qylmystyq jazaǵa tartylýy múmkin ekenin jazǵan edik.