Qarjy mınıstrligi tabysyn jasyrǵan 438 blogerge qatysty tekserý júrgizedi

ASTANA. KAZINFORM — Búginde 854 blogerge 72 mlrd teńge tabys salyǵyn tóleý jóninde habarlama jiberildi. Bul týraly Qarjy mınıstri Mádı Takıev málim etti. 

— Blogerler 2026 jylǵy 31 naýryzǵa deıin deklaratsııa tapsyrýy kerek, ıaǵnı tabysyn rastaıdy. Jalpy bilesizder, biz blogerlermen birtalaı jumys atqardyq. Myńdaǵan blogerge salyq tólemi týraly habarlama jiberildi, — dedi Mádı Takıev Májilistiń jalpy otyrysynan keıin ótken brıfıngide.

Mınıstr keltirgen málimetke súıensek, 854 blogerge 72 mlrd teńge tabys salyǵyn tóleý jóninde habarlama jiberildi. Onyń ishinde 394 bloger 11,8 mlrd teńge salyq tóledi.

— Qalǵan 438 blogerge qatysty tekserý júrgizemiz, — dep tolyqtyrdy vedomstvo basshysy.

Buǵan deıin habarlaǵanymyzdaı, 360-qa jýyq bloger óz erkimen 10,5 mlrd teńge somasyndaǵy tabysyn rastady. Tólem 256 mln teńge (salyq) boldy. 

Eske salaıyq, jyl basynda Memlekettik kirister komıteti tabysyn 53,3 mlrd teńgege jasyrǵan blogerler anyqtady.