Qarjy mınıstrligi feık aqparatqa qatysty: azamattarǵa eshqandaı tólem jasalmaıdy
ASTANA. KAZINFORM - Qazaqstan Respýblıkasynyń Qarjy mınıstrligi vedomstvonyń qoldaýymen «jańa qarjy baǵdarlamasy» júzege asyrylyp jatqany týraly aqparattyń shyndyqqa janaspaıtynyn ári jalǵan ekenin habarlady.
Osy rette QR Qarjy mınıstrliginiń jarııalanǵan aqparattarǵa qatysy joq ekenin, sondaı-aq jekelegen saıttar, messendjerler nemese áleýmettik jeliler arqyly azamattarǵa tólemderdi jasamaıtynyn, ınvestıtsııalar nemese granttar boıynsha baǵdarlamalardy júrgizbeıtinin aıta keteıik.
Memlekettik organdardyń barlyq bastamasy tek resmı resýrstarda jarııalanady.
Bul oraıda azamattarǵa kúdikti siltemelerge ótpeýin, sondaı-aq jeke málimetterdi engizýden saq bolyp, belgisiz tulǵalardyń shottaryna aqsha aýdarmaýyn suraımyz.
- Kúmándi shemalar anyqtalǵan jaǵdaıda quqyq qorǵaý organdaryna nemese «1414» Biryńǵaı baılanys ortalyǵyna habarlasyp, atalǵan faktiler jóninde jetkizýge keńes beremiz, - delingen habarlamada.
Osyǵan deıin 2026 jyly bankter Qarjy mınıstrliginiń qundy qaǵazdarynan túsken kiristen salyq tóleı bastaıtyny týraly jazdyq.