Qarjy mınıstrligi bıýdjet tapshylyǵy neniń esebinen qarjylandyrylǵanyn túsindirdi
ASTANA. KAZINFORM — 2025 jyly bıýdjet tapshylyǵy 4,1 trln teńgeni qurady. Bul týraly Parlament Májilisinde QR Úkimetiniń 2025 jylǵy respýblıkalyq bıýdjettiń atqarylýy týraly esebin tanystyrý kezinde Qarjy vıtse-mınıstri Dáýren Temirbekov málim etti.
- Esepti jyly bıýdjet tapshylyǵy 4,1 trln teńgeni nemese jalpy ishki ónimniń 2,5 %-yn qurady. Bıýdjet tapshylyǵy negizinen ishki kózder esebinen qarjylandyryldy, - dedi D. Temirbekov.
Onyń aıtýynsha, 2026 jylǵy 1 qańtardaǵy jaǵdaı boıynsha memlekettik borysh 36,4 trln teńgeni nemese jalpy ishki ónimniń 22,8%-yn qurady. Sonyń ishinde úkimettik borysh - 34,8 trln teńge.
- 2026 jylǵy 1 qańtardaǵy jaǵdaı boıynsha memlekettik borysh jáne kvazımemlekettik sektor boryshy ındıkatorlarynyń naqty deńgeıi Memlekettik qarjyny basqarý tujyrymdamasynda belgilengen shekteýlerden aspaıdy, - dedi vıtse-mınıstr.
Eske salsaq, byltyr kúzde Qazaqstannyń syrtqy memlekettik boryshy týraly málimet jarııalandy.
