Qarjy mınıstri memlekettik qaryz týraly suraqqa jaýap berdi

ASTANA. KAZINFORM – Qarjy mınıstri Mádı Takıev memlekettik qaryzǵa qatysty túsinik berdi.

- Memlekettik borysh 30,5 trln teńge boldy. Bul óz kezeginde jalpy ishki ónimge shaqqanda 22,6 paıyz shamasynda, - dedi M.Tákıev Senatta tilshiler suraǵyna jaýap bere otyryp.

Onyń aıtýynsha, bekitilgen lımıt boıynsha memlekettiń qaryzy JІÓ-ge shaqqanda 32 paıyzdan aspaýy kerek.

- Bul turǵyda biz osy lımıtten asqan joqpyz, - dep naqtylady mınıstr.

Eske salsaq, bıyl qazan aıynda senator Sultanbek Mákejanov elimizdiń Premer-Mınıstri Oljas Bektenovke memlekettik qaryzdyń ósip bara jatqany jáne elimizdiń qarjy resýrsyn basqarýdy jaqsartý qajettigi týraly saýal joldady.

Budan buryn habarlanǵandaı, jaqynda Májilistiń jalpy otyrysynda Premer-mınıstrdiń orynbasary – Ulttyq ekonomıka mınıstri Nurlan Baıbazarov memlekettik qaryzǵa qatysty túsinik berdi.