Karzaı «Talıban» qozǵalysynyń basshysymen kezdesýge ázir
ASTANA. Jeltoqsannyń 4-i. QazAqparat - Aýǵanstan Prezıdenti Hamıd Karzaı beısenbi kúni jasaǵan málimdemesinde, «Talıban» qozǵalysynyń» basshysy Omar moldamen konsýltatsııa úshin kezdesýge ázir ekenin aıtty.
Bul týraly brıtandyq «Skaı Nıýs» telearnasy habarlap otyr.
«Men Omar moldamen sóılesýge ázirmin. Aýǵan prezıdenti retinde elde tynyshtyq ornatýdyń kez kelgen múmkindigin paıdalanýǵa daıynmyn. Biraq ta men halyqaralyq qoǵamdastyqtyń qoldaýynsyz ózdigimnen mundaı qadamǵa bara almaıtynymdy da túsinemin», dep málim etti Karzaı.
«Biz «Talıbanmen» kelissóz júrgizýimiz kerek, sebebi Aýǵanstannyń qazirgi qajettiligi osy. Lańkestik pen ekstremızmge qarsy kúreste tek qarýly árekettermen jeńip shyǵý múmkin emes», dep atap kórsetti aýǵan prezıdenti óz sózinde.
