Karzaı Aýǵanstannyń ońtústiginde NATO shabýylynan 50-den astam beıbit turǵynnyń qaza bolǵanyn málim etti
ASTANA. Shildeniń 27-si. QazAqparat - Ótken juma kúni Aýǵanstannyń ońtústiginde oryn alǵan NATO-nyń zymyrandyq shabýylynyń saldarynan 50-den astam adam qaza boldy, olardyń ishinde áıelder men balalar bar.
Bul týraly el Prezıdenti Hamıd Karzaıdyń dúısenbi kúni Kabýlde taratqan málimdemesinde aıtylyp otyr, dep habarlaıdy ITAR-TASS agenttigi.
Aýǵan barlaýyna silteme jasalǵan bul málimdemede, zymyrannyń biri Gılmend ýálaıatyndaǵy Regı ýzda Sangın derevnıasyna túskeni atap kórsetiledi. Al NATO-nyń resmı ókili bolsa, atalmysh aýdannan túsken málimetter beıbit halyqtyń arasynda shyǵynnyń bar ekenin nemese zymyrannyń óz baǵytynan aýytqyǵanyn rastamaıtynyn aıtyp, aqtalýda. NATO ókiliniń aıtýynsha, juma kúni atalǵan aýdannan 7-8 shaqyrymdaı jerde NATO áskerleri men sodyrlardyń arasynda qaqtyǵys oryn alǵan.
