Karzaı amerıkandyq jekemenshik kúzet kompanııalaryn lańkestik áreketterge qatysy bar dep aıyptady

«Olar (kelisimshart boıynsha qyzmet etetinder) aýǵan balalaryn qyrdy jáne birqatar shabýyldar men lańkestik áreketterine jaýapty. Shyn máninde, ol shabýyldardyń qanshasyn «Talıbannyń» jasaǵanyn jáne qansha adamdy óltirgenin biz bilmeımiz», - dep málim etti Aýǵanstan Prezıdenti óz sózinde.

Karzaı sondaı-aq eldegi qyzmetine tyıym salynǵan segiz jekemenshik kúzet qyzmetiniń tizimine kirip otyrǵan jáne búginde ataýyn "Eks-ı" dep ózgertip úlgergen Iraktaǵy áreketteri boıynsha tanymal "Blekýoter" fırmasyn basa atap kórsetti.

Karzaıdyń aıtýynsha, mundaı fırmalarmen 1,5 mıllıard dollar somaǵa mámimeler jasalǵan, jáne olardyń kúzetshilerine, aýǵan armııasyna tólengen somadan áldeqaıda qomaqty aqsha tólengen. «Aqshanyń aǵymy AQSh-taǵy bılik dálizinen bastaý alady. Al nátıjesinde, qarapaıym aýǵandyqtar zardap shegedi. Elge kelip jatqan aqshalar bizge tek qaıǵy men qasiret ákelýde», - deıdi aýǵan prezıdenti.