Káriz sýyn jolǵa tókken túrkistandyq júrgizýshi jaýapqa tartyldy

Túrkistanda las sýdy kóshege tókken júrgizýshi jaýapqa tartyldy, dep habarlaıdy Kazinform agenttigi.

Túrkistandyq turǵyn káriz sýy quıylǵan kóligindegi nájisti kóshege tókken. Júrgizýshiniń bul áreketin alystan baıqaǵan turǵyndar kólik ıesin qýalap júrip toqtatty. Bul týraly áleýmettik jelide taraǵan vıdeo biraz adamnyń ashýyn týdyrdy.

Al, Túrkistan oblysy polıtsııa departamentiniń baspasóz qyzmeti atalǵan jaǵdaı boıynsha júrgizýshi jaýapqa tartylǵanyn habarlady.

«Beınejazba birden polıtseılerdiń nazaryna alynyp, anyqtaý jumystary júrgizildi. Nátıjesinde kólik júrgizýshisine QR ÁQBtK-niń 434-2-babymen ákimshilik hattama toltyryldy» delingen vedomostva usynǵan aqparatta.