Qaryzynyń ornyna tanysynyń kóligin tartyp alǵan aqmolalyq isti boldy
KÓKShETAÝ. QazAqparat – Ózine aqsha qaryz bolǵan azamattyń kóligin tartyp alǵan Aqmola oblysynyń turǵyny isti boldy, dep habarlaıdy QazAqparat tilshisi oblystyq Polıtsııa departamentiniń baspasóz qyzmetine silteme jasap.
Vedomstvonyń málimetinshe, 8 tamyz kúni Kókshetaý qalalyq polıtsııa bólimine ózge adamnyń kóligin tartyp alǵany týraly jergilikti turǵynnan aryz túsken.
Polıtsııa anyqtaǵandaı, 29 jastaǵy kúdikti osyǵan deıin de QR QK-niń 188-baby 1-bóligi boıynsha isti bolǵan. Kókshetaý qalasynyń irgesindegi Krasnoıar eldi mekenine aparar joldyń boıynda ornalasqan saıajaıda kúdikti zardap shegýshiniń «Vaz-2115» avtokóligin ıemdenip alǵan.
Kúdikti kólikti qaryzynyń ornyna alǵanyn aıtyp, aqtalmaq boldy. Tártip saqshylary mashınany zańdy ıesine qaıtardy.
«Qazirgi kezde, osy oqıǵa baılanysty QR QK-niń 389-baby 1-bóligi boıynsha qylmystyq is qozǵalyp, sotqa deıingi tergeý amaldary júrgizilýde», - dedi vedomstvodan.
