Qaryzyn qaıtarmaǵandy atqan pavlodarlyqtyń úkimi qaıta qaralyp, 8 jylǵa sottaldy

Іs alqabılerdiń qatysýymen qaraldy. Sot 28 jastaǵy pavlodarlyqty qylmysqa daıyndalǵany jáne kisi óltirýge oqtalǵany úshin kináli dep tapty.
Oqıǵa ótken jyldyń sáýir aıynda kópqabatty úıdiń aýlasynda bolǵan.
Oblys ortalyǵynyń 27 jastaǵy turǵyny dosyna úlken somada aqsha bergen, biraq ol qaryzdy ýaqytynda qaıtarmaǵan.
Er adamdar ózara kelise almaǵan. Nesıe berýshi ańshy myltyǵymen qarýlanyp, jábirlenýshi turǵan Buqar Jyraý kóshesine barǵan. Sottalýshy boryshkerdi kireberisten kórip, eki ret oq atqan. Birinshi oq kireberistiń metall esigine, ekinshisi úıdiń qabyrǵasyna tıgen. Qoryqqan boryshker kireberiske júgirgen, nesıe berýshi jábirlenýshini qýyp jete almaǵan.
Buǵan deıin is Pavlodar oblysynyń qylmystyq ister jónindegi mamandandyrylǵan aýdanaralyq sotynda qaralǵan bolatyn. Sol kezde sottalýshy óltirýge tyryspaǵanyn, jaı ǵana qorqytqysy kelgenin aıtqan. Jábirlenýshi quqyq buzýshyny keshirip, er adam sot zalynda qamaýdan bosatyldy. Alaıda prokýror apellıatsııalyq ótinish berdi. Úkimniń kúshi joıylyp, is basqa alqabılermen jańa sot talqylaýyna jiberildi.
Búgin qastandyq týraly 10 alqabı men bir sýdıa qarady, olardyń árqaısysy bir daýysqa ıe boldy. Kópshilik daýyspen er adam kisi óltirýge oqtalǵany úshin kináli dep tanyldy. Sot oǵan segiz jylǵa bas bostandyǵynan aıyrý túrinde jaza taǵaıyndady.
- Jazasyn óteý qaýipsizdigi barynsha joǵary qylmystyq-atqarý júıesi mekemesinde taǵaıyndaldy. Eshqaıda ketpeý týraly qolhat túrindegi bultartpaý sharasy ózgertilip, sottalǵan azamat sot zalynda qamaýǵa alyndy, - dep málimdedi oblystyq sottyń sýdıasy Nurlan Aıtbaev.

Sot pavlodarlyq sottalýshynyń sottylyǵynyń joqtyǵyn, kinásin moıyndaýyn, ókinýin, asyraýynda kishkentaı balanyń bolýyn, múgedektigin eskerdi. Degenmen tótenshe jaǵdaı kezinde qarý qoldaný jáne qylmys jasaý kináni aýyrlatatyn oqıǵa boldy.
Úkim áli zańdy kúshine engen joq.