Qaryzǵa qarbyz bergen aqtóbelik aqshasyn qaıtara almaı júr
AQTÓBE. QazAqparat - Aqtóbelik turǵyn ósimmen aqsha tabý maqsatynda qaryzǵa 1 tonna qarbyz alyp, ony satqannan keıin taýar ıesine aqshasyn bermegen. Endi qaryzǵa qarbyz bergen kásipker aqshasyn qaıtara almaı júr, dep habarlaıdy QazAqparat tilshisi.
Aqtóbede 41 jastaǵy azamat 1 tonna qarbyzdy jas jigitke qaryzǵa bergen. Aldymen satyp, keıin aqshasyn berýge kelisken ol ýádesinde turmaı, kezdesýden qashyp kelgen. Bir sheshimge kele almaǵan soń kásipker polıtsııaǵa shaǵymdandy.
«Qarbyzdy satyp jibergen 23 jastaǵy jigit aqshany qaıtarýǵa asyǵar emes. Qaryz bergen turǵyn aryz jazyp, kúdiktiniń turǵylyqty jeri anyqtaldy. Qazirgi kezde Qylmystyq kodekstiń «alaıaqtyq» baby boıynsha is qozǵaldy. Qylmystyq is biryńǵaı reestrge tirkeldi. Sotaldy tergeý jumystary júrip jatyr»,- dedi Aqtóbe oblystyq ІІD baspasóz qyzmetinen.
Aıta keteıik, kúdikti eshqaıda shyqpaý týraly qolhatpen bostandyqta júr. Eger onyń kinási tolyq dáleldense 1 myń aılyq eseptik kórsetkishke deıin aıyppul tóleýi múmkin nemese 2 jylǵa bas bostandyǵyn shekteý jazasy taǵaıyndalady.
