Qaryzǵa batqan bıznesmen otbasyn qyryp tastap, óz-ózine qol saldy
ASTANA. QazAqparat - Kredıtten qaryzy bolǵan Krasnoıar ólkesi Artemovsk qalasynda turatyn bıznesmen áıelin, ulyn, qyzyn atyp óltirip, artynsha óz-ózine qol salǵan.
Bul týraly TASS-qa ólkeniń kúsh qurylymdaryndaǵy derekkóz habarlaǵan.
"Ótken senbide Kýragınsk aýdany Artemovsk qalasynda páterde 1976 jyly týylǵan er adamnyń, onyń áıeli men balalarynyń múrdesi tabyldy. Uly 1998 jylǵy, qyzy 2006 jylǵy. Olardyń múrdesin páterge kelgen er adamnyń anasy kórgen. Aldyn ala derek boıynsha er adam otbasyn atyp óltirip, sodan keıin óz-ózine qol salǵan", - dep habarlady derekkóz. "Bıznesmenniń aǵash daıyndaýmen aınalysatyny belgili. Onyń bul áreketine kásipkerdiń kredıttik qaryzy sebep bolýy múmkin".
