Qarýly sırııalyq oppozıtsııa Astanada ótetin kelissózderge qatysýǵa kelisim berdi

ASTANA. QazAqparat - Qarýly oppozıtsııa Reseıden Sırııa boıynsha kelissózderge qatysýǵa shaqyrtý aldy. Sırııadaǵy qarýly oppozıtsııa toptarynyń eshqaısysy Sırııa boıynsha Astanada ótetin kelissózderge qatysýdan bas tartqan joq, dep jazdy Life.ru.

Qazaqstan astanasyndaǵy kezdesý 3-4 mamyrǵa josparlanǵan. Qarýly toptar delegatsııasynyń múshesi Fateh Hassýnnyń málimdeýinshe, sharaǵa shaqyrtý reseılik delegatsııadan kelip túsken.

Onyń aıtýynsha, qarýly toptardyń ókilderi Reseıdiń bul usynysyna «jer betindegi jaǵdaıdy jaqsartýǵa septigin tıgizetin» múmkindik retinde qarap otyr. Hassýn Reseıdiń protsess kepilgeri bolady dep úmittenetinin bildirdi.

Eske sala ketsek, 14-15 naýryz kúnderi ótken aldyńǵy kelissózderde jaýyngerlik is-qımyldardy toqtatý rejıminiń kepil memleketter - Reseı, Túrkııa, Iran delegatsııalary qatysty. Sondaı-aq, kezdesýge AQSh, Iordanııa, Sırııa úkimeti jáne BUU ókilderi keldi.