Qarýly qylmyskerlermen atysta zardap shekken elordalyq polıtseıler marapattaldy (FOTO)
ASTANA. QazAqparat - Qyzmet atqarý kezinde oq tıip jaralanǵan elordalyq eki polıtseı Otan qorǵaýshylar kúni qarsańynda QR Prezıdentiniń ІІІ dárejeli «Aıbyn» ordenimen marapattaldy, dep habarlady Astana qalasy ІІD baspasóz qyzmetinen.
Osy jyly 27 aqpanda saǵat 22.00-de Astana qalasy ІІD jergilikti polıtsııa qyzmeti jol-patrýldik polıtsııa qyzmetkerleri polıtsııa starshınasy Maral Turǵymbaev pen polıtsııa serjanty Erbolat Rysbekov qyzmetin atqarý kezinde ónerkásiptik aımaq aýdanynda jasalǵan urlyq jaıly habarlama aldy. Qaskúnemderdi anyqtaýǵa baǵyttalǵan shara barysynda sol aýmaqtaǵy qurylys vagonynda bolǵan adamdardyń qujattaryn tekserý kezinde er adamnyń biri eki polıtseıge tapanshadan oq atty. Oqıǵa jabyq keńistikte, jaryǵy álsiz, kútpegen jerde oryn aldy.
Oqıǵa ornyna jedel jetken polıtsııa qyzmetkerleri Qaraǵandy oblysynyń 43 jastaǵy turǵynyn ustady. Qaskúnemniń buryn birneshe ret sotty bolǵany, onyń ishinde kisi óltirgeni týraly anyqtaldy.
Birneshe jerden jaralanǵan polıtseıler aýrýhanaǵa jatqyzyldy. M. Turǵymbaevqa tórt jerden, E. Ryspekovke eki jerden oq tıgen.
