Qarýly Kúshterdiń materıaldyq-tehnıkalyq bazalary eskertýsiz, aıaq astynan tekseriletin bolady
Shara olardyń múmkindikterin anyqtaýǵa, materıaldyq-tehnıkalyq quraldardyń qoryn tekserýge, sondaı-aq jumyldyrý jáne tehnıkany jetkizý qabiletterin anyqtaýǵa baǵyttalyp otyr. Bul týraly mınıstrliktiń baspasóz qyzmetinen habarlandy.
«QR Qarýly Kúshteri Bas shtaby júrgizgen kútpegen jerden qaýyrt tekserý jumystary barysynda materıaldyq-tehnıkalyq qamtamasyz etý quramalary men bólimsheleri ózderi turaqty túrde ornalasqan pýnktten 150 shaqyrymǵa deıin júrip ótti. Áskerler úshin materıaldyq-tehnıkalyq qamtamasyz etýdi jáne dala jaǵdaıynda jumystardy uıymdastyrý úshin josparlanǵan aýdandarǵa ornalastyryldy. Atalǵan is-shara áskerlerdi toptyq óristetý jáne jaýyngerlik daıarlyq josparyn qoldaný jaǵdaıynda materıaldyq-tehnıkalyq quraldardyń jaı-kúıin, ázirligin jáne qajettiligin anyqtaý maqsatynda júrgiziledi», - delingen baspasóz baıanynda.