Qarýly Kúshterdiń áskerı qyzmetshileri bir kúndik eńbek aqysyn «Qazaqstan halqyna» qoryna aýdarady

NUR-SULTAN. QazAqparat - «Shyǵys» óńirlik qolbasshylyǵynyń áskerı qyzmetshileri bir kúndik tabysyn «Qazaqstan halqyna» qoryna aýdarý jóninde bastama kóterdi, dep habarlaıdy QazAqparat QR Qorǵanys mınıstrliginiń baspasóz qyzmetine silteme jasap.

Qazaqstan Prezıdenti Qasym-Jomart Kemeluly Toqaevtyń tapsyrmasymen qurylǵan halyq qoryna óz úlesin qosýǵa degen umtylysyn elimizdiń Qorǵanys mınıstrligi men Qarýly Kúshteriniń búkil jeke quramy qoldady.

Memleket basshysy Parlament Májilisiniń 2022 jylǵy 11 qańtardaǵy otyrysynda «Qazaqstan halqyna» atty qoǵamdyq áleýmettik qor qurýdy tapsyrdy. Atalǵan qor densaýlyq saqtaý, bilim berý, áleýmettik qoldaý sheńberindegi problemalardy sheshýmen, onyń ishinde Qazaqstannyń tutastyǵy men qaýipsizdigin qorǵaý kezinde qaza tapqan áskerı qyzmetshilerdiń otbasylaryn qoldaýmen aınalysatyn bolady.

Qazaqstan Prezıdenti bul qor qoǵamdy toptastyrýdyń taǵy bir quralyna aınalyp, azamattarda áleýmettik ádilettilik sezimin nyǵaıta alatynyna senim bildirdi.