Qarýly Kúshterdiń 25 jyldyq mereıtoıyna oraı ınteraktıvti dáris ótkizildi

ASTANA. QazAqparat - Astana qalasynda «Qarýly kúshter - Táýelsizdik qorǵany» degen uranmen ınteraktıvti dáris ótti. Qazaqstan Qarýly Kúshteriniń 25 jyldyǵyna oraılastyrylǵan is-sharany respýblıkalyq mektep oqýshylary onlaın rejımde tamashaı aldy. atalǵan ınteraktıvti dáris Qorǵanys mınıstrliginiń resmı saıtynda tikeleı efırden kórsetildi.  

Bul is-sharaǵa Qazaqstan Respýblıkasy Qorǵanys mınıstriniń orynbasary general-maıor Talǵat Muhtarov, QR QK Áýe qorǵanasy kúshteri Bas qolbasshysynyń tárbıe jáne ıdeologııalyq jumys jónindegi orynbasary general-maıor Qaırat Sadyqov, QR QK Qurlyq áskerleri Bas qolbasshysynyń tárbıe jáne ıdeologııalyq jumys jónindegi orynbasary polkovnık Dýlat Adyrbekov jáne QR QK Áskerı-teńiz kúshteri Bas qolbasshysynyń tárbıe jáne ıdeologııalyq jumys jónindegi orynbasary 1-shi dárejeli kapıtan Ermek Baıǵabylov qatysty.

«Memlekettiń qurylýy, damýy jáne gúldenýi úshin jıyrma bes jyl - bul óte qysqa merzim. Alaıda, bizdiń Elbasy - Qazaqstan Respýblıkasynyń Prezıdenti Nursultan Ábishuly Nazarbaevtyń basshylyǵymen biz kúlli álem qaýymdastyǵyna bizdiń elimiz burynǵy odaq elderiniń arasynda jáne búkil álemde eń úzdik bolýǵa laıyq ekendigin dáleldedik. Bizdiń elimizdiń 25 jyldyq damýynda bizdiń Armııa da óte qarqyndy, josparly damydy jáne qazirgi tańda bizde jetkilikti jaraqtalǵan, kásibı Qarýly Kúshterimiz bar», -dep ınteraktıvti dáris barysynda Qorǵanys mınıstriniń orynbasary general maıor Talǵat Muhtarov atap ótti.

Uıymdastyrýshylardyń málimetinshe, bundaı shara bir jaǵynan ýaqyt talabyna saı bolsa, ekinshi jaǵynan, balalardy otansúıgishtikke tárbıeleýde asa mańyzdy bolyp tabylady. Sondaı-aq, 1 mamyr Qazaqstan halqy birligi kúni merekesinen keıin jáne 9 mamyr Uly Otan soǵysyndaǵy Jeńis kúnin dástúrli merekeleý qarsańynda atap ótiletin
7 mamyrdaǵy Otan qorǵaýshylar kúni qazirgi Otan qorǵaýshylar men bolashaq urpaqtary úshin qandy maıdanda jeńiske qol jetkizgen aǵa býyn arasyndaǵy rýhanı baılanys pen sabaqtastyqtyń sımvoly ispettes qabyldanýy kerek.

Sonymen qatar, generaldar respýblıkalyq mektep oqýshylaryna qazaqstandyq armııanyń tarıhy men búginin jáne jetken jetistigi týraly meılinshe tolyq áńgimelep berdi. «Áýe qorǵanysy kúshteri tehnıka men qarý-jaraqtarda jabdyqtaý boıynsha Qarýly Kúshteriniń joǵary tehnologııalyq jáne utqyr túrleri bolyp sanalady. Qazaqstan Respýblıkasy Qarýly Kúshteriniń tarıhynda birinshi ret osy zamanǵy jaýyngerlik Sý-30 SM ushaǵy alyndy. Osy kúnde ol álemdegi myqty kópfýnktsıonaldy jaýyngerlik ushaq bolyp tabylady», - dedi sóz sóılegen avıatsııa general-maıor Qaırat Sadyqov.

Al mektep oqýshylary óz kezeginde áskerılerge óte qyzyqty, onyń ústine umytylmas áser syılaǵan ınteraktıvti erekshe dáris úshin óz alǵystaryn bildirdi. Sondaı-aq, oqýshylar is-sharanyń sońynda Qarýly Kúshterdiń 25 jyldyǵyna arnalǵan beınerolıkti tamashalady.

Bul ótken dáris onyń qatysýshylarynyń sanasyna serpin berip esterinde ǵana qalyp qoımaı, sonymen birge búgingi óskeleń urpaqty - erteńgi bizdiń Otan qorǵaýshylarymyzdy tárbıeleýge orasan zor úlesin qosqan is-shara bolǵany anyq.

Tarıhqa kóz júgirter bolsaq, Prezıdent Nursultan Nazarbaevtyń 1992 jyl­ǵy 7 mamyrdaǵy Jarlyǵyna sáıkes Qa­zaq­stan Respýblıkasy Qarýly Kúsh­teri­ quryldy. Sol kezden bastap, qazaq armııasynyń irgetasy qalandy. Jyl sanap, tól áskerimizdiń qatary tolyǵyp, jańadan jasaqtalǵan zamanaýı áskerı quraldarmen tolyqty.