Qarýly Kúshterdegi áıelder keńesiniń jumysy talqylandy - QR QM

ASTANA. QazAqparat - Almatyda QR QK Desanttyq-shabýyldaý áskerleriniń qolbasshylyǵy bazasynda Qazaqstannyń Qarýly Kúshterinde áıelder keńesiniń jumysyn uıymdastyrý boıynsha keńes ótti, dep habarlaıdy QR Qorǵanys mınıstrliginiń baspasóz qyzmeti.

QR Qorǵanys mınıstrligi áıelder keńesiniń ókilderi áskerı qyzmetshiler men olardyń otbasylary turyp jatqan áskerı qalashyqtar men jataqhanalardy aralap shyǵyp, nazar aýdarý qajet ózekti máselelerdi atap ótip, birqatar kezdesýler ótkizdi.  

Qazaqstannyń Qarýly Kúshterindegi áıelder keńesi áskerı qyzmetshilerdiń otbasylarymen belsendi ózara is-árekettegi jumys jasaıdy. Olar áskerı qyzmetshilerdiń otbasy músheleriniń moraldyq-psıhologııalyq jaǵdaıynyń monıtorıngisin júrgizedi, olarǵa praktıkalyq kómek kórsetý jáne problemalyq máselelerdi sheshý boıynsha sharalardy iske asyrady. 

Retke keltirilgen keshendi júıeli jumys sheńberinde udaıy negizde Ashyq esik kúnderi, qolbasshylyqtyń áskerı qyzmetshilermen jáne olardyń otbasy múshelerimen kezdesýleri uıymdastyrylady. Onda áleýmettik-turmystyq sıpattaǵy, ıaǵnı, áskerı qyzmetshilerdiń áıelderin jumysqa ornalastyrý, balalardy mektepke jáne  balabaqshaǵa berý syndy máseleler talqylanady jáne sheshiledi.