Qarýly Kúshterde jaýyngerlik oqýdyń jańa kezeńi bastaldy
Memleket basshysy Qasym-Jomart Toqaev Qorǵanys mınıstrliginiń basshylyǵyna geosaıası jaǵdaıdy jáne aımaqtyq deńgeıdegi ózekti syn-qaterlerdi eskere otyryp, Qarýly Kúshterdiń áskerı daıyndyǵy men jaýyngerlik qabiletin túbegeıli arttyrý mindetin qoıdy.
Bıyl bólimshelerdiń jaýyngerlik daıarlyq erekshelikteriniń ishinde, atap aıtqanda eldi mekenderdi qorǵaý jáne terrorızmge qarsy operatsııalarǵa qatysý úshin bólimshelerdi qoldanýdyń jańa tásilderin engizý de bar.
Áskerı qyzmetshiler atys, taktıkalyq daıarlyq jáne basqa da pánder boıynsha normatıvterdi pysyqtaıdy. Dalalyq jaǵdaıda áreket etý daǵdylary, toptyq taktıkalyq mindetterdi sheshý joldary meńgeriletin bolady. Olardy oryndaý sapasyn jeke quram men bólimshelerdiń daıyndyq deńgeıi anyqtaıdy.
Bólimshelerdiń, eseptoptardyń jáne ekıpajdardyń daıyndyǵy bıyl 5 aqpanǵa deıin ótedi. Áskerlerdi oqytýdyń kezekti kezeńi jaýyngerlik atystarmen jáne keshendi taktıkalyq-arnaıy sabaqtarmen aıaqtalady.
