Qarýly Kúshterde jas býyn ant qabyldady
Ásker qataryna jańadan alynǵan jas jigitter Taraz, Taldyqorǵan, Qapshaǵaı, Prıozersk qalalarynda, Otar, Boraldaı kentterinde Qurlyq áskerleriniń, Áýe qorǵanysy kúshteriniń arnaıy áskerler men baılanys áskerleriniń bólimderin tolyqtyrdy.
QR Qarýly Kúshteriniń qataryna jańa qosylǵan áskerı qyzmetshilerdiń ant qabyldaýy saltanatty jaǵdaıda ótti. Rásimge komandırler men qyzmettesterden basqa shaqyrylǵan qonaqtar men ata-analar, jergilikti atqarýshy organdardyń ókilderi, ardagerler qatysty.
Merzimdi qyzmettiń sarbazdary ant qabyldaǵannan keıin kishi mamandardy daıarlaý baǵdarlamasy boıynsha jaýyngerlik oqýǵa kiristi. Jarty jyldan keıin olar artıllerıster, tankıster, baılanysshylar, atqyshtar jáne t.b. mamandyqtar alyp shyǵady. Oqý-jattyǵý ortalyqtarynda daıarlyqtary aıaqtalǵan soń merzimdi qyzmettiń áskerı qyzmetshileri QR Qarýly Kúshteri túrleri men ásker tekteriniń áskerı bólimderine bólip taratylatyn bolady.