Qarýly Kúshterde merzimdik qyzmetterin atqarmaǵan 3600 azamat áskerı mindetti daıyndyqtan ótpek
ASTANA. 25 aqpan. QazAqparat - Bıyl Semeı, Taraz, Aqtaý qalalarynda Qarýly Kúshterde merzimdik qyzmetterin atqarmaǵan azamattardy daıarlyqtan ótkizetin úsh ortalyq ashylmaq,
dep habarlaıdy QR Qorǵanys mınıstrliginiń baspasóz qyzmeti.
«Joǵarǵy Bas qolbasshysynyń Qarýly Kúshterge qoıǵan tapsyrmalaryna sáıkes, jumyldyrý rezervin daıarlaýǵa basa nazar aýdarylǵan. Ótken jyly bul sharany iske asyrý úshin elimizde 9 oqý ortalyǵy qurylyp, onda motoatqyshtar, baılanys jáne arnaıy áskerler úshin 1200-ge tarta áskerı mindetti tulǵalar daıyndyqtan ótken. Bıyl bul ortalyqtar arqyly 3600 áskerı mindetti daıyndyqtan ótpek»,-delingen vedomstvonyń taratqan aqparatynda.
Sondaı-aq, joǵary oqý oryndaryndaǵy áskerı kafedralar men áskerı tehnıkalyq mektepterdiń áleýeti paıdalanylmaq. Bul jıyndarǵa Qazaqstannyń barlyq aımaqtarynan azamattar tartylady.
