Qarýly Kúshterde merzimdi qyzmetin ótegen sarbazdardy zapasqa shyǵarý bastaldy

ASTANA. 23 qazan. QazAqparat - QR QK Áýe qorǵanysy kúshteriniń bólimderi men quramalarynda merzimdi qyzmetin ótegen áskerı qyzmetshilerdi zapasqa shyǵarý bastaldy. Ásker túrinen myńǵa jýyq merzimdi qyzmettiń áskerı qyzmetshisi zapasqa shyǵaryldy. Bul týraly QR Qorǵanys mınıstrliginiń baspasóz qyzmetinen habarlady.

Áýe qorǵanysy kúshteri bas qolbasshysynyń birinshi orynbasary - bas shtab bastyǵy polkovnık Marat Ýashpaev: «Áskerı qyzmetin óteý kezinde sarbazdarda shyn mánindegi jaýyngerlik sapa qalyptasady. Bizdiń jaýyngerlerimiz sportpen shynyqqan jáne tózimdi. Sender áskerde júrip, jaqsy jaýyngerlik tájirıbe aldyńdar, ár túrli kólemdegi taktıkalyq oqý-jattyǵýarǵa qatysa júrip, qarý-jaraq pen áskerı tehnıkany saýatty meńgerdińder», - dep atap ótti.

Komandırler jaýyngerlerge úlgili qyzmetteri úshin rızashylyq bildirip, Qazaqstan Qarýly Kúshterindegi qyzmetteri jas jigitter úshin erlik pen patrıotızm mektebi bolǵanyn aıtty.

Ásker qatarynan zapasqa shyǵarylǵan áskerı qyzmetshiler kez kelgen sátte Otandy qorǵaýǵa daıyn shyn mánindegi Otan qorǵaýshylary bolyp tabylady.