Qarýly Kúshterde merzimdi áskerı qyzmetin atqarǵan sarbazdar zapasqa shyǵarylýda

ASTANA. 19 qarasha. QazAqparat - Qazaqstan Respýblıkasy Prezıdentiniń 2013 jylǵy 28 aqpandaǵy № 509 «Áskerı qyzmettiń belgilengen merzimin ótkergen merzimdi áskerı qyzmettegi áskerı qyzmetshilerdi zapasqa shyǵarý jáne Qazaqstan Respýblıkasynyń azamattaryn 2013 jyldyń sáýir - maýsymynda jáne qazan - jeltoqsanynda merzimdi áskerı qyzmetke kezekti shaqyrý týraly» Jarlyǵymen merzimdi áskerı qyzmetin belgilengen ýaqytta atqarǵan sarbazdardy shyǵaryp salý júzege asyrylýda.

Osyndaı ıgilikti shara 12740 áskerı bóliminde uıymshyldyqpen ótkizildi. Merzimdi áskerı qyzmetke ótken jyldyń kúz aılarynda shaqyrylǵan sarbazdardy búkil jeke quram sap túzep turyp, qurmetpen shyǵaryp saldy.

Shyǵaryp salý rásimine áskerı bólim komandıriniń sheshimimen orkestr «Kezdesý marshyn» oryndap, áskerı bólimniń Jaýyngerlik týy jelbiredi.

Shtab bastyǵy jaýyngerlik jáne memlekettik-quqyqtyq daıyndyqtarda úzdik oqýymen, jaqsy tártibimen tanylǵandarǵa gramotalar men baǵaly syılyqtar tabys etti.

Shara sońynda áskerı bólim komandıri podpolkovnık J. Maralov azamattardyń adal qyzmetine alǵys aıtty. Jeke quram zapasqa shyǵýshylar aldynan saltanatty sap túzep ótti, dep habarlady QR Qorǵanys mınıstrliginiń baspasóz qyzmetinen.

.