Qarýly Kúshter Tuńǵysh Prezıdent kúnin atap ótti
«Ońtústik» óńirlik qolbasshylyǵynyń 35748 áskerı bóliminde Tuńǵysh Prezıdent kúnine oraı áskerı-patrıottyq is-shara uıymdastyryldy. Saltanatty mıtıng barysynda bólim qolbasshylyǵy Prezıdentimizdiń táýelsiz Qazaqstannyń qaz turyp, qadam basýy men nyǵaıýyna qosqan orasan zor úlesi týraly áńgimelep berdi, sondaı-aq bólim kórkemónerpazdarynyń kontserti uıymdastyryldy.
Tuńǵysh Prezıdent kúnin merekeleý aıasynda 2013 jylǵy 2 jeltoqsanda áskerı qyzmetshiler men olardyń otbasy músheleri qatysqan sporttyq mereke bolyp ótti. Olar voleıboldan, basketboldan, armrestlıngten kúsh synasty.
Jalpy komandalyq 1-oryndy shtabtyq batalonnyń jeke qúramy ıelendi, ekinshi oryndy artıllerııa dıvızıony jeńip aldy, al 3-oryn tank batalonyna buıyrdy.
Sondaı-aq osy kúni Elbasymyz Nursultan Nazarbaevtyń ómiri men qyzmetine arnalǵan kitaptar men pýblıtsıstıkalyq basylymdar kórmesi uıymdastyryldy, dep habarlady Qorǵanys mınıstrliginiń baspasóz qyzmetinen.