Qarýly Kúshter Qurlyq áskerleriniń quramy Spasskidegi oqý ortalyǵynyń bazasynda kásibı deńgeılerin jetildirýde

dep habarlady   QR QM baspasóz qyzmeti.

Sabaqtardy jedel-strategııalyq deńgeıdegi oqytýshylar men ofıtserler júrgizedi. Munda jıynǵa qatysýshylar áskerı pánder boıynsha jalpy suraqtardy talqylaıdy. Árbir kezekti sabaqtan keıin testileý ádisi arqyly sabaqqa qatysýshy ofıtserlerdiń materıaldardy qalaı ıgergendigi tekserilip, monıtorıng jasalady, nátıjesi anyqtalǵan soń daıyndyq baǵdarlamasy kúsheıtiledi.

Ásker basshylary  búginge deıin  dene tárbıesi daıyndyǵynan synaq tapsyrdy. Synaqty Qazaqstan Respýblıkasy Qorǵanys mınıstrligi Armııa ortalyq sport klýby - Sport komıtetiniń ókilderi qabyldady.

Jetekshi quram sportta jaqsy nátıjeler kórsetti. Bıylǵy jyly  jańa júıe engizildi. Barlyq normatıvter baldyq júıemen baǵalanady. Jalpy baldyń sany barlyq sporttyq synaqtardyń qorytyndysy men  keshendi emtıhandardyń qosyndysy arqyly qoıylady. Bul Qazaqstan armııasy Qurlyq áskerleri jetekshi quramy komandırlik daıyndyǵynyń onkúndik jıynyndaǵy qorytyndy baǵasy bolyp sanalady. Komandırlik daıyndyq sabaqtary 2 aqpanda aıaqtalady.