Qarýly Kúshter qatarynda qyzmet etý - abyroıly mindet - Maksım Іztileýov
ORAL. QazAqparat - Qurylǵanyna shırek ǵasyr tolǵaly otyrǵan Qazaqstan Qarýly Kúshteri qatarynda qyzmet etý - abyroıly mindet. Bul týraly QR Ulttyq ulany «Batys» óńirlik qolbasshylyǵynyń serjanty Maksım Іztileýov málim etti, dep habarlaıdy «QazAqparat» tilshisi.
Óziniń aıtýynsha, ol 1985 jyly 2 maýsymda BQO-nyń Terekti aýdany Shaǵataı aýylynda dúnıege kelgen. 2003-2005 jyldary Atyraý qalasyndaǵy 5546-áskerı bóliminde áskerı boryshyn ótegen. Sodan keıin kelisimshart negizinde bólimshe komandıri qyzmetin atqarǵan.
Áriptesteriniń sózine qaraǵanda, bastapqy kúnnen-aq 1-synypty serjant M.Іztileýov ózin tek jaqsy qyrynan kórsetip keledi. Saýatty maman, uıymdastyrýshylyq qabileti mol kishi komandır ózine-ózi talap qoıa biledi, qaraýyndaǵylarǵa ádil qaraıdy. Ol óziniń bilim-biligin turaqty jetildirip, jeke quramdy tárbıeleýmen aınalysady. Kishi komandırlermen nusqaýshylyq-ádistemelik, praktıkalyq jáne baqylaý sabaqtaryn ótkizedi. Búrynnan da bólimshe komandıri, rota starshınasy, qaraýyl bastyǵy retinde biraz tájirıbe jınaqtaǵan Maksım Іzteleýov úlgili áskerı tártibi, joǵary kásibı sheberligi úshin «Batys» óńirlik qolbasshylyǵy tarapynan áldeshe ret marapattalǵan. Ony qolbasshylyqtyń bas serjanty dese de bolady.
«Aldaǵy ýaqytta da óz mindetimdi minsiz atqaryp, Otanyma adal qyzmet etýge bar kúsh-jigerimdi salatyn bolamyn. Qazaqstanda beıbit ómirdiń saltanat qura berýine óz úlesimdi qosa bermekpin», dedi M.Іztileýov.
