Qarýly Kúshter qataryna kelisimshart boıynsha qabyldaý jumystary jalǵasýda. VIDEO
Іrikteý barysynda áskerı qyzmetke úmitkerler dene daıyndyǵynan synaq tapsyryp, suhbattasý men psıhologııalyq testileýden ótti. Іrikteý komıssııasynyń quramyna Qarýly Kúshter áskerı bólimderiniń ókilderi engen.
Qarýly Kúshterdi ofıtserlermen, serjanttarmen, qatardaǵy jaýyngerler quramymen jasaqtaý júıesin jetildirý Qazaqstan Qorǵanys mınıstrligi qyzmetiniń mańyzdy bir baǵyty bolyp tabylady. Qarýly Kúshterdegi kadrlar saıasatynyń negizgi maqsaty kásibı jáne adamgershilik qasıetteri joǵary mamandardy iriktep alý.
Eski jasaqtaý júıesi jańa sıpatqa ıe boldy, ıaǵnı kelisimshart boıynsha ofıtserlerdi, serjanttar men soldattardy áskerı qyzmetke qabyldaýdyń jańa júıesi ázirlendi. Onyń ereksheligi - qujattardy daıyndaý jáne oryndaý merziminiń uzaq satylardan ótýi joıyldy, áskerge shaqyrý úrdisi ortalyqtandyryldy. Bul qujattardy qaraýdyń ýaqytyn qysqartyp qana qoıǵan joq, Qarýly Kúshter qataryn jasaqtaýdyń tıimdiligin eki-úsh esege arttyrdy.
2013 jylǵy 8-20 shilde aralyǵynda Astana qalasynyń qorǵanys isteri jónindegi departamentine qarasty jınaqtaý pýnktinde (Jańajol kóshesi 19) Qorǵanys mınıstrliginiń jáne Bas shtabtyń ókilderi qatysatyn irikteý komıssııasy jumys júrgizedi. Bul joly kelisimshart boıynsha ofıtserler quramy laýazymdarynda áskerı qyzmet ótkerýge nıetti kandıdattardy irikteý jumystary júrgiziledi. Kandıdattar dene daıyndyǵynan, psıhologııalyq, normatıvtik-quqyqtyq aktilerdi jáne jaýyngerlik daıarlyqty bilýi boıynsha testileýden, sondaı-aq tereń medıtsınalyq tekserýden ótedi.
Áskerı qyzmet ótkerýge nıet bildirgen zapastaǵy ofıtserler irikteý is-sharalaryna saqadaı saı jáne qazirgi ýaqytta emtıhannan súrinbeı ótýge bel baılaǵan.
Qazaqstan Respýblıkasynyń Qarýly Kúshteri qataryna qabyldanýǵa nıetti árbir qazaqstandyq óz baǵyn synaýyna bolady.