Qarýly kúshter bizdiń Otanymyzdy qorǵaýda mańyzdy mánge ıe - Nazarbaev
ASTANA. QazAqparat - Búgin «Habar» telearnasynda QR Ulttyq qaýipsizdik komıteti «A» arnaıy maqsattaǵy qyzmetiniń qurylǵanyna 25 jylýyna arnalǵan derekti fılm kórsetildi, dep habarlaıdy QazAqparat.
Derekti fılmniń barysynda QR Prezıdenti Nursultan Nazarbaevtyń sózderi keltirilgen.
«Biz baıqap otyrǵan álemde jáne óńirde oryn alǵan sońǵy oqıǵalar, túrli núktelerdegi teraktiler jáne Taıaý Shyǵystaǵy áskerı is-qımyldar bizderge oryn alýy múmkin kez kelgen jaıtqa daıyn bolýymyz qajettigin kórsetip berdi. Qarýly kúshter terrıtorııalyq tutastyqty saqtaýda, bizdiń Otanymyzdy, Qazaqstan egemendigin qorǵaýda mańyzdy mánge ıe», - dedi Nursultan Nazarbaev.
Al QR Ulttyq qaýipsizdik komıteti tóraǵasynyń orynbasary «Arystan» qyzmetiniń bastyǵy, general-maıor Ánýar Sadyqulov ózi basshylyq jasaıtyn qyzmettiń jaýyngerlerine búgingi kúni qandaı talaptar qoıylatyndyǵyn aıtyp berdi.
«Óte joǵary talap qoıylady. Bul olardyń fızıkalyq daıyndyǵy, onyń dúnıetanymy, onyń zııatkerlik deńgeıi, tehnologııany bilýi, mindetti túrde joǵary biliminiń bolýy. Eń bastysy óziniń memleketi men Prezıdentine adaldyǵy», - dep atap ótti ol.
Sadyqulovtyń atap ótýinshe, ókinishke oraı qazirgi álemde qaýip deńgeıi tómendemeı otyr. Sondyqtan komıtet ahýalǵa turaqty túrde saraptama jasap otyrady. «Bizdiń mindetimiz osy syn-qaterlerge daıyn bolý», - dep atap ótti komıtet basshysynyń orynbasary.
Derekti fılmde Qazaqstannyń Ulttyq qaýipsizdik komıtetiniń qurylýy men qalyptasý tarıhynan syr shertiledi jáne onda lańkesterge qarsy júrgizilgen biregeı arnaıy operatsııalardan kadrlar kórsetildi.
