Qarýly adam frantsýzdyq gazet redaktsııasynda oq jaýdyrdy
ASTANA. 18 qarasha. QazAqparat - Búgin qarýlanǵan er adam frantsýzdyq Liberation gazetiniń redaktsııasynda oq jaýdyrdy. Bul týraly Agence France-Presse habarlaıdy. Kúdikti qolyndaǵy myltyǵymen basylymnyń fototilshisin jaraqattap, keıin ǵımarattan shyǵyp, qashyp ketken. Qazirgi ýaqytta polıtsııa kúdiktini izdestirýde.
Osydan eki kún buryn Parıjde ornalasqan frantsýzdyq BFMTV telearnasynyń ǵımaratyna taǵy bir qarýly er adam kirip kelip, jýrnalısterge qoqan-loqqy kórsetken. Sosyn ǵımarattan shyǵyp, izin sýytyp ketken. Bul eki oqıǵanyń baılanysy bar-joǵy qazir tekserilip jatyr.
Aıta ketý kerek, Liberation gazeti - solshyldar men sotsıalısterdiń kózqarastary men ıdeıalaryn qoldaıtyn basylym.
